| istanbul şiirleri
SULTAN 1. AHMED (BAHTİ)
(16. Yüzyıl)
Gazel
Edirne şehri gibi gerçi şehr-i bî-bedel olmaz
Yine amma bu dünyada Sitanbul'a bedel olmaz
Egerçi hûb olur gâyetle ayvası anın amma
Sitanbul'un sulu şeftalisi gibi güzel olmaz
Anın berk-i çenârı zîr-i dest itdi Sitanbul'u
Kimesne dimesün dünyada kim el üzre el olmaz
Mahalsiz varmışuzdur dime ol şehre sakın ey dil
Zemanında irişdük hak budur böyle mahâl olmaz
Ol şehr-i dil-güşânın vasfına dinmiş gazeller çok
Veli Bahti senin nazmın gibi rengin gazel olmaz
|